VIOLINISSIMO!
Халықаралық скрипкашылар байқауы
I. Байқаудың жалпы ережелері
1.Осы Ереже Алматы қаласында VIOLINISSIMO Almaty International Халықаралық скрипкашылар байқауын (бұдан әрі – Байқау) өткізу тәртібі мен шарттарын реттейді.
Байқау 2006 жылғы 15 желтоқсандағы «Мәдениет туралы» Қазақстан Республикасы Заңының 7-бабының 12-тармақшасына сәйкес өткізіледі.
2.Байқау 2023 жылдың 25-30 қыркүйек аралығында Қазақстан Республикасы, Алматы қаласында өтеді.
3. Байқау кестесі:
25 қыркүйек – байқаудың ашылуы
26-27 қыркүйек – 2 турды тыңдау
29 қыркүйек – 3 турды тыңдау
30 қыркүйек – байқаудың жабылуы
4. Байқаудың Құрылтайшысы «Қазақстан Камератасы» Мемлекеттік камералық оркестрі (бұдан әрі – Құрылтайшы) болып табылады.
5. Байқау ҚР Мәдениет және спорт министрлігінің қолдауымен өткізіледі
https://www.gov.kz/memleket/entities/mcs?lang=ru
6. Конкурстың Бiрлескен серiктесi ҚұрманғазыҚұрманғазы атындағы Қазақ ұлттық консерваториясы (бұдан әрі – Бірлескен ұйымдастырушы)
http://www.conservatoire.edu.kz/ru/.
7. Байқауға 1995 жылдың 25 қыркүйегінен ерте емес және 2006 жылдың 19 қыркүйегінен кешіктірмей (16 жастан 28 жасқа дейін) туылған музыканттар қатыса алады.
8. Конкурсты өткізу орны:
Қазақстан Республикасы, Алматы қ., Абылай хан даңғылы, 90, Құрманғазы атындағы Қазақ ұлттық консерваториясы
II. Байқаудың Ұйымдастыру комитеті
Байқаудың Ұйымдастыру комитетінің ресми мекен-жайы: Қазақстан Республикасы, Алматы қ., 050010, Қалдаяқов көш.,35/23.
Электрондық хаттар camerata.kz@mail.ru электронды поштасы бойынша қабылданады.
Телефон / WhatsApp: +7 777 33 88 751
III. Байқауды ұйымдастыру және өткізу тәртібі
1. Байқау іріктеу турынан (бейнежазбалар бойынша іріктеу) және екі негізгі турдан тұрады: екінші, үшінші (финал).
2. Бірінші (іріктеу) турға қажетті құжаттар мен материалдарын және өтінім берген барлық үміткерлер байқауға қатысады. Үміткерлердің іріктеуге жіберілген бейнежазбалар мен ұсынылған құжаттары негізінде Байқаудың іріктеу комиссиясы өткізеді.
3. Бірінші (іріктеу) турдың нәтижелері бойынша бірінші негізгі турға 20 (жиырма)-дан аспайтын скрипкашы қатысады. Үміткерлердің байқауға қатысуы туралы (бұдан әрі – іріктеу кезеңінен өткен қатысушылар) Іріктеу комиссиясының шешімі 2023 жылғы 1 шілдеден кешіктірілмей жарияланады. Ұйымдастыру комитеті іріктеу кезеңінен өткен қатысушылардың электрондық мекенжайларына негізгі (күндізгі) турларға қатысуға шақыру жібереді.
4. Үшінші негізгі турға (финалға) 6 (алты)-дан аспайтын скрипкашы қатыса алады. Қазылар алқасының мүшелері үшінші турға өткен финалистер санын өзгертуге құқылы.
5. Байқаға қатысушылардың екінші турда өнер көрсету тәртібі жеребемен анықталады.
Жеребе байқаудың ашылу салтанаты күні таңертең байқауға қатысушылардың барлығының қатысуымен өткізіледі. Байқауға қатысушы объективті мән-жайлар бойынша жеребеге қатыса алмаған жағдайда, қатысушы өзінің болмау себебін көрсете отырып, рәсім басталғанға дейін кемінде бір сағат бұрын конкурстың Ұйымдастыру комитетінің camerata.kz@mail.ru электрондық мекенжайына хабарлама жібереді. Мұндай қатысушының сөз сөйлеу тәртібі туралы шешімді байқаудың қазылар алқасы қабылдайды.
6. Байқауға қатысушылардың өнер көрсету тәртібі байқаудың барлық негізгі кезеңдері бойы сақталады. Ерекше жағдайларда (байқауға қатысушының сырқаттануы немесе басқа форс-мажорлық мән-жайлар) қазылар алқасының Төрағасы орындау тәртібін өзгерту туралы шешім қабылдауы мүмкін. Байқаудың қазылар алқасы Төрағасының шешімі Байқаудың қазылар алқасы отырысының хаттамасымен рәсімделеді.
7. Конкурс қатысушыларына Бірлескен серiктесi (Құрманғазы атындағы ҚҰК) Байқау өтетін жерде, әр турдың алдында оркестрмен акустикалық дайындық үшін дайындық класстары (Байқауды Ұйымдастыру комитеті жасаған кесте бойынша кемінде бір сағаттан кем емес) және концерт залы сахнасымен қамтамасыз етеді.
8. Байқауға қатысушылардың барлық шығармалары жатқа орындалады.
9. Екінші және үшінші турлардың конкурстық тыңдаулары ашық түрде өткізіледі.
10. Қатысушылар байқауға Ұйымдастыру комитеті көрсеткен мерзімдерге сәйкес Алматы қаласына келуі тиіс.
Байқауға қатысушылардың келу күні 2023 жылдың 23 мен 24 қыркүйегі.
11. Байқау қатысушыларына Байқау кезінде қазылар алқасы мүшелерімен кез келген байланысқа түсулеріне жол берілмейді.
12. Байқаудың екінші туры нәтижесін қазылар алқасының Төрағасы оның соңында жариялайды.
13. Үшінші турдың (финалдың) нәтижелері Байқау жеңімпаздарын марапаттау рәсімінде жарияланады.
14. Байқаудың Атқарушы дирекциясы тыңдаулардан басқа Байқау бағдарламасына басқа да іс-шаралар енгізе алады.
IV. Байқаудың қазылар алқасы
1. Байқауға қатысушылардың өнерін бағалау, сондай-ақ қорытындыларды шығару үшін қазылар алқасы құрылады. Қазылар алқасы қазіргі заманның көрнекті музыканттарынан, көрнекті мәдениет және өнер қайраткерлерінен құралады.
2. Байқаудың қазылар алқасы:
байқауға қатысушылардың өнерін бағалайды;
негізгі байқаулық тыңдаулардың қорытындысы бойынша әрбір келесі турға қатысушыларды анықтайды және әр тур аяқталғаннан кейін олардың аттарын жариялайды;
үшінші турдың (финалдың) қорытындысы бойынша - Байқаудың жүлделерін береді;
3. Жүлделердің белгіленген саны шегінде қазылар алқасының құқығы бар:
а) барлық жүлделерді тағайындамауға;
б) жүлделерді Байқауға қатысушылар арасында бөлуге (бірінші жүлдеден басқа).
4. Қазылар алқасының шешімдері хаттамамен рәсімделеді.
5. Қазылар алқасының шешімдері түпкілікті және қайта қарауға жатпайды.
V. Өтініш беру тәртібі
1. Байқауға қатысуға өтінім – сауалнама (бұдан әрі-өтінім) (1-қосымшаны қараңыз) конкурстың әлеуетті қатысушысымен толтырылады және жіберілуі мүмкін:
1.1. Байқаудың camerata.kz@mail.ru ресми электрондық поштасына жіберу арқылы өтініш формалары (1-қосымшаны қараңыз).
2. Байқауға өтінімдер 2023 жылғы 1 мамырдың (қоса алғанда) сағ. 23.59-дейін қабылданады.
3. Қажет болған және форс-мажорлық мән-жайлар болған жағдайда Құрылтайшы өтінімдерді беру мерзімін ұзарту туралы шешім қабылдауға құқылы.
Сауалнамадан басқа, әлеуетті қатысушы хатты келесі құжаттармен және материалдармен толықтырады:
• өтінім берушінің жеке басын куәландыратын негізгі құжаттың сканері (паспорт, жеке куәлік және т.б.);
• қысқаша өмірбаяны (шамамен 1000 таңба);
• 300 dpi кем емес рұқсаты бар сандық форматтағы 3 түрлі-түсті фотосурет, оның ішінде жариялау үшін бірі жақыннан түсірілген фотосурет;
• музыкалық білімі туралы құжаттың көшірмесі;
• соңғы 3 жылдағы халықаралық конкурстар лауреаты дипломдарының көшірмелері (бар болса);
• бағдарламаның дыбыс үндестілігін, опусын, ұзақтылығын (бағдарламаға өзгерістер енгізу Байқаудың бірінші негізгі кезеңі басталғанға дейін бір айдан кешікпеуі тиіс);
• 2022 жылдың желтоқсаны мен 2023 жылдың сәуірі аралығында орындалған, өңделмеген 20 минуттық бағдарлама (репертуар қатысушы таңдауы бойынша) бейнежазбасының белсенді веб-сілтемесін ұсыну;
• тіркеу жарнасының төленгенін растайтын құжаттың көшірмесі.
4. Қосымша құжаттар мен материалдары жоқ, сондай-ақ белгіленген мерзімнен кешігіп келіп түскен өтінімдер тіркелмейді. Байқауға ұсынылған электронды құжаттар мен материалдар қайтарылмайды.
5. Байқауға қатысуға өтінімді жіберу үміткердің осы Ережеде белгіленген шарттарға толық келісімін, сондай-ақ оның дербес деректерін өңдеуді білдіреді.
6. Бірінші (іріктеу) турға өтінім берумен бір мезгілде 100 (жүз) АҚШ доллары мөлшерінде қайтарылмайтын тіркеу жарнасы төленеді.
7. Тіркеу жарнасын төлеу мынадай деректемелер бойынша электрондық төлем жолымен жүргізіледі:
АҚШ доллары:
"БАНК ЦЕНТР КРЕДИТ" АҚ
БИК KCJBKZKX
СТН KZ838562203214754929
Валюталық шот 40603 840 3 23304 000002 (доллар)
Төлем мақсаты: Алматы қ., Violinissimo Халықаралық скрипкашылар байқауының іріктеу кезеңіне қатысқаны үшін жарна, үміткердің аты-жөні және елі.
Тіркеу жарнасын аударғаны үшін комиссиялық алымды үміткер тіркеу жарнасының сомасынан артық төлейді. Тіркеу жарнасын төлеу туралы құжаттың көшірмесі байқауға қатысуға өтініммен қоса беріледі.
VI. Байқау бағдарламасы
Барлық шығармалар толық орындалады.
1 тур (бейнежазба бойынша іріктеу)
-
2022 жылдың желтоқсаны мен 2023 жылдың сәуірі аралығында орындалған, редакцияланбаған 20 минуттық бағдарламаның (байқаудың Ұйымдастыру комитеті мәлімдеген бағдарлама бойынша) бейнежазбасы;
-
Байқаудың бейне/аудиоматериалдарды монтаждау мен редакциялаудың кез келген түріне тыйым салынады (жиынтық, жұмыстар арасында монтаждауға тыйым салынады), осы тармақ бойынша сәйкессіздік анықталған жағдайда қатысушы шеттетіледі.
1 тур.
Бағдарлама:
1. Скрипка мен фортепианоға арналған кеңейтілген виртуоздық пьеса немесе қатысушының таңдауы бойынша жеке скрипкаға арналған виртуоздық пьеса
2. Л.В.Бетховеннің скрипка мен фортепианоға арналған келесі сонаталарының бірінің I бөлімі:
- №3 Соната, оп.12 №3;
- № 5 Соната, оп.24;
- № 7 Соната, оп.30 №2;
- №8 Соната, оп.30 №3;
- Соната № 9, оп.47.
2 тур
Бағдарлама:
1. Орындаушының таңдауы бойынша 1 каприс:
Венявский - каприс ор.10 (№1 қоспағанда)
Н. Паганини - каприс оp.1 (қоспағанда №№6, 13, 14, 16)
2. Байқау үшін арнайы жазылған қазақстандық композитордың жеке скрипкаға арналған пьесасы міндетті түрде орындалуы тиіс (байқау басталардан 2 ай бұрын қатысушыларға ноталар жіберіледі).
3. Орындаушының таңдауы бойынша концерттердің бірі (толық орындалады):
- И.С.Бах:
- Оркестрмен скрипка концерті, a minor, BWV 1041
- Оркестрмен скрипка концерті, E major, BWV 1042
- Е. Гайдн:
- Оркестрмен скрипка концерті, C major, Hob.VIIa:1
- Оркестрмен скрипка концерті, G major, Hob.VIIa:4*
(Концерттер «Қазақстан Камератасы» Мемлекеттік камералық оркестрінің сүйемелдеуімен орындалады)
3 тур (финал):
Бағдарлама:
1. Қатысушының таңдауы бойынша концерттердің бірі (толық орындалады)
- Ф. Мендельсон – скрипкаға арналған оркестрмен концерт, e minor, ор. 64
– Н. Паганини – скрипкаға арналған оркестрмен концерт, No.1, оp.6
- П.И. Чайковский – скрипкаға арналған оркестрмен концерт, D major, ор.35
- Л. Бетховен – скрипкаға арналған оркестрмен концерт, D major, ор.61
- Е. Брамс – скрипкаға арналған оркестрмен концерт, D major, ор.77
- Я. Сибелиус – скрипкаға арналған оркестрмен концерт, d minor, ор. 47
(Концерт симфониялық оркестрдің сүйемелдеуімен орындалады)
2. Қатысушының таңдауы бойынша И.С. Бах партитінің бірінің екі бөлігі:
Partita № 2, d moll, BWV 1004
-
Sarabanda, Giga
Partita № 1, h moll, BWV 1002
-
Allemanda, Double
Partita № 1, h moll, BWV 1002
-
Tempo di Borea, Double
Partita № 3, E dur, BWV 1006
Prelude, Lure y Gavotte
VII. Жүлделер мен марапаттар
-
Байқауда келесі сыйлықтар қарастырылған: лауреаттарға арналған сыйақылар және арнайы сыйлықтар.
-
Байқау лауреаттары үшін тағайындалған сыйлықтар:
Бас жүлде – 3 000 000 теңге (үш миллион теңге) және Лауреат атағы
I жүлде – 2 000 000 теңге (екі миллион теңге) және Лауреат атағы
II жүлде – 1 500 000 теңге (бір миллион бес жүз мың теңге) және Лауреат
-
III жүлде – 1 000 000 теңге (бір миллион теңге) және Лауреат атағы
-
– 350 000 теңге (үш жүз елу мың теңге)
-
– 350 000 теңге (үш жүз елу мың теңге)
-
– 350 000 теңге (үш жүз елу мың теңге)
Ынталандыру сыйлықтар – 100 000 теңге (жүз мың теңге)
3. Қазылар алқасы марапаттау санын шектеуге құқы бар:
а) барлық жүлделерді бермеуге;
б) жүлделерді Байқауға қатысушылар арасында бөлуге (бірінші жүлдені қоспағанда).
4. Арнайы сыйлықтар: Байқауды Ұйымдастыру комитетімен келіскен мемлекеттік, коммерциялық, қоғамдық немесе шығармашылық, қазақстандық және шетелдік ұйымдардың, басқа да тұлғалардың сыйлықтары мен сыйақысы. Арнайы жүлделер туралы ақпарат Байқаудың ресми сайтында орналастырылған. Арнайы сыйлықтар мен сыйақылар Байқаудың Ұйымдастыру комитетімен Байқау өтетін жылдың 20-шы қыркүйектен кешікпей келісуі тиіс.
5. Байқауға қатысушыларға осы Ережеде көзделген барлық сыйлықтар мен арнайы сыйлықтар Қазақстан Республикасының қолданыстағы заңнамасына сәйкес салықтарды ұстай отырып, Қазақстан Республикасы Ұлттық Банкінің төлем күніне арналған бағамы бойынша теңгемен төленеді.
VIII. Байқаудың іріктеу кезеңінен өткен қатысушыларға қойылатын талаптар
1. Іріктеу турының тыңдауынан өткен қатысушылар Байқаудың Ұйымдастыру комитетінен шақыру хатын алғаннан кейін, 7 күн аралығында байқаудың одан әрі (күндізгі) турларына өзінің қатысқаны туралы растауды кері хатта ұсынуға, сондай-ақ өзінің Алматы қаласына келу және кету күндері мен бағыты туралы ақпарат беруі тиіс.
2. Егер қатысушы белгіленген мерзімде өзінің қатысуын растамаса немесе қажетті ақпаратты уақтылы ұсынбаса, Ұйымдастыру комитеті отырысы іріктеу турының нәтижелері жарияланған күннен бастап 10 күн ішінде өтуі тиіс байқаудың іріктеу комиссиясының шешімі бойынша байқаудың бірінші негізгі турына қатысу үшін рейтинг бойынша келесі үміткерді шақыруға құқылы. Байқаудың іріктеу комиссиясының қабылданған шешімі байқау сайтында 2 күнде жарияланады.
3. Іріктеу кезеңінен өткен, байқауға шақыру алған қатысушылар өз бетінше және уақтылы:
-
ұсынылған Ұйымдастыру комитетінің негізінде визаны рәсімдеу үшін (Қазақстан Республикасымен визалық режимі бар елдерден келген шетелдік азаматтар үшін) Қазақстан Республикасының Елшілігіне жүгінеді және осыған байланысты шығыстарды көтереді;
-
медициналық сақтандыруды рәсімдейді;
-
Қазақстан Республикасы аумағына кірген сәтте әкелген музыкалық аспап туралы ақпаратты кедендік декларацияға енгізеді;
4. Байқаудың негізгі турларына қатысу үшін келген байқауға қатысушылар байқаулық тыңдауларға қатысудан дәлелсіз себеппен бас тартылған жағдайда байқаудан шығарылады.